🧹
喺今年11月12日和平紀念日 (Remembrance Sunday)，我哋綠色希望聯同 20 名義工一齊去咗摩星嶺進行山野清潔，期間除咗清理咗超過 57 公斤嘅山野垃圾，我哋喺清潔期間亦加入參觀軍事遺跡環節，希望參加者可以進一步了解摩星嶺炮台嘅歷史同埋價值。
摩星嶺位於堅尼地城西面，高 260 米，以第二任香港總督戴維斯（Sir John Francis Davis）命名。由於其地理位置，1900 年時英軍建議喺山上建立防衛設施，以鎮守維多利亞港西面入口海域，及後喺 1912 年全面建成，於 1941 年 12 月爆發的香港守衛戰之中擔當重要角色，即使英軍寡不敵眾，摩星嶺守軍飽受日軍空襲及炮轟下仍然奮勇作戰，最終喺 12 月 25 日下午，總督楊慕琦決定投降後守軍炸毀殘餘設施後放棄要塞。
但當日我哋沿路進行清潔嘅時候，見到多個已被列入二級歷史建築嘅軍事遺跡地點雜草叢生，而且有唔少食物包裝袋同埋飲品膠樽，唔止破壞自然環境，亦會招惹蟲鼠問題，長遠亦會影響保育軍事遺跡。
我哋喺度感謝所有參與今次活動嘅義工，希望大家可以喺了解以及協助我哋解決山野垃圾問題之外，亦可以有所得著。
我們每個月都會繼續進行公開嘅山野清潔活動，亦都歡迎各團體同我哋一齊合作，為保護環境一齊努力！
#greenhopehk #綠色希望 #山野清潔 #清道夫 #環保 #週末活動 #山野無痕 #環保教育 #自己垃圾自己帶走 #回收 #清潔日 #淨山 #減廢 #摩星嶺 #堅尼地城 #摩星嶺炮台 #二戰 #和平紀念日
Opmerkingen