因為全球暖化，颱風季愈嚟愈長，就喺打完風之後嘅星期，我哋就聯同10位熱心嘅義工一齊喺華富邨嘅瀑布灣進行海岸清潔！今次收集到嘅垃圾五花八門，有老是常出現嘅膠樽、發泡膠箱同碎片，仲有燒烤網、即棄餐具等野餐垃圾，亦有寵物玩具、碗碟碎片呢類比較生活化嘅垃圾。
雖然當日因為早前大雨之後變得非常澎湃️，令到我哋無辦法到對岸清潔😔 但係我哋仍然清理走多達61.33kg嘅海岸垃圾，清理完之後乾淨咗好多呀！💪
我哋就嚟會宣佈及招募11月嘅山野清潔活動，有興趣參加嘅朋友睇實我哋嘅 fb 同 ig 啦！
感謝公眾義工參與華富瀑布灣海岸清潔活動！🧹
Comments