• greenhopehongkong

將可持續模式融入生活,其實唔難



唔知大家仲記唔記得上個月一連兩個週末舉行嘅旺角綠洲嘉年華呢?作為年輕環保團體,我哋好高興能夠參與到今次嘅鬧市嘉年華,藉著為現場參加者設置回收服務以及環保教育展覽,希望大家將可持續理念同習慣融入日常生活。


我哋特別想感謝維他、喵坊、俊成環保有限公司同綠在佐敦嘅支持,喺活動期間為我哋嘅展位提供乜膠都收同埋紙包飲品盒回收服務,另外當然要多謝旺角綠洲嘅邀請,令我哋有地方同大家傾下計,又可以同唔同地區嘅社區組織交流,探討可持續發展對城市、社區、以至團體嘅重要性同急切性。


最後我哋要感謝香港知專設計學院學生嘅幫忙,為我哋設計資訊豐富嘅環保教育展板。Miss咗今次活動嘅朋友都唔駛失望架,暫時旺角綠洲嘉年華場地進行緊工程,好快就可以再同大家見面!到時繼續歡迎大家過嚟睇下我哋嘅環保教育展覽,同我哋交流下喔!





0 次查看0 則留言