top of page
搜尋

多謝大家參與五月嘅屯門祈禱山公眾清潔活動！

  • 作家相片: helper greenhope
    helper greenhope
  • 4月11日
  • 讀畢需時 2 分鐘



我哋喺今年5月同香港基督徒祈禱院合作，連同7位義工去到屯門祈禱山進行咗一場公眾清潔活動。喺今次活動入面，我哋並無記得清理咗幾多垃圾，因為清出嚟嘅垃圾量實在係太多啦，足足塞滿咗一個垃圾站！所以真係辛苦晒咁多義工，喺現場清理出咁多嘅垃圾，同時亦都由於部分廢物被棄置嘅時間較長，需要用到手或者係工具將佢從土入面挖出嚟，特別係喺山上面發現嘅一堆燒過嘅膠，個堆膠已經係熔到滲咗入泥土，但係義工朋友仍然好努力咁將呢堆膠清走，真係辛苦晒！



喺我哋今次清理嘅垃圾入面，我哋發現咗有唔少都係食物包裝袋、膠樽同埋膠袋等等嘅生活垃圾，除此以外，我哋仲發現咗唔少廢棄嘅舊家電同埋輪胎。結合現場環境，呢啲垃圾好大可能係嚟自周邊嘅村民，而我哋都明白，村民喺處理生活垃圾以及廢品時喺有一定嘅唔方便，而現在嘅垃圾站亦離民居有一定嘅距離，但係咁樣唔應該成為胡亂棄置廢物嘅理由。其實唔單止係村民，有唔少市區居民會亂棄置廢物，而呢啲廢物通常都會成為污染環境嘅源頭之一。如果我哋再唔停止胡亂棄置廢物，香港美麗嘅環境就會因為我哋嘅懶惰已被垃圾佔領，我哋嘅下一代見到嘅只會係一座座嘅垃圾山，同時，呢啲廢物中嘅塑膠將有機會變成微塑膠進入我哋嘅身體。所以，行多兩步，將家居垃圾棄置到適當嘅垃圾收集站，舉手之勞，可以為我哋以及下一代帶嚟咁多好處，大家何樂而不為呢？



喺清理垃圾嘅過程中，我哋發現咗一個垃圾堆積情況十分嚴重嘅黑點，個到嘅情況可以算得上一個小型堆填區，入面嘅垃圾種類可以話係包羅萬有。除咗膠袋、膠樽等生活垃圾之外，我哋仲喺個到發現咗唔少來自建築地盤嘅垃圾！建築垃圾中嘅有害物質同埋化學物質有機會溶解到地下水和水體中，從而對當地生態環境造成好大嘅影響！


-------------------------------------------------------------------------------------------------------



Comments

bottom of page