♻️「重用餐具」綠色社會實驗：餐具租借計劃 🥡🍴

外賣、走盒、走餐具，唔該！

忽然想叫外賣但又唔想加錢要多個盒？食完外賣啲即棄餐具、膠盒就咁扔咗佢又覺得好嘥？

參加我地綠色希望嘅「零廢外賣」餐具租借計劃啦！

「零廢外賣」社會實驗：餐具租借計劃 計劃日期：由9月1日起至12月底 第一階段試點：山東小城 （九龍大角咀埃華街101號A1鋪地下）

點樣參與？ - 參加者可以去參與計劃嘅餐廳/店鋪，買嘢落單個陣向職員講明「租借餐具」，餐廳/店鋪就會向你收取按金（$80/盒），而你就可以租借一套由BottLess提供嘅可重用餐盒（連餐具） - 用完洗乾淨整套餐盒，再還番俾間餐廳/店鋪就可以攞返全數按金 - 亦歡迎大家自備餐盒！